Peja është një destinacion turistik me diversitet të madh kulturor dhe natyror, andaj edhe udhëtimi juaj do të jetë me shumë përjetime dhe eksperienca.

Gjatë kohës që do të kaloni në Pejë do të keni mundësi të përjetoni eksperienca të ndryshme të zhvillimeve historike, trashëgimin kulturore dhe traditat e populates lokale që janë zhvilluar në periudha të ndryshme kohore duke filluar nga kohrat Ilire e deri në ditët e sotme, ndërsa për ju dashamirësit e natyrës, eksperiencat e juaja që do ti përfitoni nga vizitat e zonave më të paprekura të bjeshkëve të Rugovës dhe parkut kombëtar Bjeshkët të Nemuna, njohja me diversitetin e madh natyror e deri te pushtimi i majeve mbi 2000m do të ofrojn kenaqësi të cilën jemi të bindur se do ta ndanit me familjarë, miq dhe të tjerë përmes tregimeve tuaja. Peja njihet edhe si vend i rekreacionit në natyrë andaj është e pamundur që të vini në Pejë dhe mos të realizoni ndonjë nga aktivitetet rekreative që ofrohen në këtë destinacion. Mund të filloni nga shëtitjet edukative përgjatë shtegut kulturor duke përfituar njohuri dhe eksperienca për vendin tonë, për të vazhduar me shëtitje në parqet e qytetit, shetitjet ekskursioniste apo ecje rekreative që ofrojn pjesët e kodrinave të Pejës dhe për të vazhduar pastaj edhe me ecje malore për të cilat ofrohen ture vikendi, javore e deri në ato 12 ditore që përfshijn edhe kalimin e kufijve shtetror perms shtigjeve “Majat e Ballkanit, Via Dinarica apo shtigjet e eksperiencave në Bjeshkët e Nemuna”.