First Day Ditën e parë ju sugjerojm që të kaloni me njohjen e qytetit të Pejës, historin, kulturat dhe traditat e këtij vendi dhe bukurit atraktive që ofron ky vend. Eksperiencen tuaj do ta filloni me vizitën e shtegut kulturor në Pejë mun nga qendra e qytetit. Ky shteg përmban 14 pika të trashëgimis së palujatshme të cilat paraqesin Pejën dhe zhvillimin e saj në periudha të ndryshme kohore duke filluar nga ato Iliro Dardane e deri në ditët e sotme. Ndër pikat që do të vizitoni janë: Shtëpit e vjetra të qytetit, shtëpit kulla, objekte religjioze si gjamia dhe kisha katolike dhe ortodokse, hamamin, mullirin e Haxhi Zekes etj. Ndërsa në muzeun e Pejës mund të merrni njohuri edhe për kulturën dhe traditat e banorve të këtij qyteti të cilat janë të prezantuara përmes artifakteve.

Në këtë ditë mund të vizitoni edhe parkun e qytetit (parku Karagaqi) dhe të vazhdoni për në shtegun e shëndetit e cila është një shteg rekreativ që kalon përgjatë lumit Limbardhi për të aritur në hyrjen e Grykës së Rugovës apo nëse keni edhe pak kohë gjatë ditës mund të bëni ecje rekreative në shtegun e Pishave apo Livadhin e Sakës.